Source Info: TMR - PLP.
 |
| Foto: doc |
Aleixo Cobra lalos Milisi. Nia Ema Rezistensia.
Bainhira Polisia Militar dada no rasta Aleixo Cobra sai husi salaun laran, hau tur iha sorin matanben monu. Hau-nia matawen monu tanba hau lembra istoria pasadu. Istoria ne’ebe moruk, istoria ne’ebe todan.
Hau-nia matanben monu tanba Aleixo Cobra uluk nu’udar Juventude Rezistensia ne’ebe brani tebes. Militar Indonésia tortura no detein nia fila-fila. Inklui gadapaksi, Hansip, tentara baku lisuk de’it nia. Tanba Firaku ne’e hakarak ukun rasik an ba Timor-Leste, demostrasaun Dili laran sura ho Aleixo Cobra iha momentu ne’eba.
Iha fulan hira ba kotuk, Aleixo Cobra baisa ospital iha moras seluk maibe sala satu pankada ne’ebe Nia simu iha rezime Soeharto mos ohin loron afeta ba nia saúde. Ohin haree Polisia Militar-PM tama iha forum kongresu ameasa, buti no dada nia sai husi forum to’o silu tohar nia liman ita haree ba Aleixo Cobra atu hanesan nafatin uluk revolta no agresivu tanba nia senti an la sala buat ida.
Sira dada Aleixo Cobra halo ita imajina fali Aleixo Cobra nia hahalok uluk atu mosu fali. Maibe nafatin korajem ba Aleixo Cobra, ohin loron ukun an tuir lolos imi Polisia Militar labele baku juventude Rezistensia nune’e. Funu naruk ne’e ituan ka barak sira hotu kontribui, biar oredem katuas sira nian maibe ordem uluk ne’e luta ba ukun an ordem ida agora atu oho malu fali. Labele uza militar hanehan malu.
Juventude Rezistensia Hamutuk ba!