 |
| Foto: Sentru imformasaun Suku Nunira: Doc, Kampu Laga Gariwai |
Fontes Media: RCLM Baucau.
Kapitaun jogadór suku Soba Helio Gama de Brito Gusmão, senti triste hare kondisaun kampu futeból Laga ne’ebé aat, bainhira utiliza jogu komunitáriu iha tempu bai-loron hamosu rai-rahun, tanba ne’e Ministériu Juventude Arte no Kultura presiza toma konsiderasaun hodi hadi’a.
"ami senti tanba kondisaun kampu rai de'it du'ut la iha tanba ne'e husu Ministériu atu hadi'a, jogadór Suku Soba rekomenda.
Prezidente komisaun organizadór desportu komunitaria 28 novembru atuál Komandante PNTL eskuadra Laga Duarte Belo Ximenes ”Soru” avalia, kampu futeból Laga seidauk iha kondisaun minímu atu jogadór foinsa’e sira utiliza hodi hasa’e talentu nune’e kompete nivel Postu Administrativu to'o nasionál.
"ita hare ba regras kampu ne'e difisil no la merese atu uza maibe kondisaun ne'ebé iha ami uza maibe husu nai-ulun sira hare pontu vokal MJDAK munisípiu oinsá haree tanba futuru ita joven jogadór sira sai di'ak liután presiza fatin,"hateten Soru.
Liga ho preokupasaun ne’e,Kordenador Pontu Fokal Ministériu Juventude Desportu Arte no Kultura iha Munisipiu Baucau Elisio Plásidio Ramos rekoinese, kondisaun kampu futeból Laga ne’ebé aat no lapriense kriéria jogu futeból-11 tanba ne’e sei diskute hamutuk ho ministériu juventude desportu bele hadi’a.
"ita hare latama estadar kampu futeból 11 tanba ki'ik tebes maibe sira avansa ho jogu komunitáriu aprezenta relatóriu mak ita rekomenda aumezmu enkontru iha nasionál ita rekomenda direta liu hare kampu Postu Administrativu Laga,"dehan Elisio.
Enkuantu observasaun Radio komunidade Matebean iha terenu nota, kampu futebol Laga ne’ebe lokaliza rai Gari-uai suku Soba la iha du’ut maibe rai de’it dadaun ne’e utiliza ba jogu komunitaria nivel suku hamosu rai rahun hodi afeta ba adeptus sira nia saúde, alende ne’e la iha kondisaun infraestrutura seluk tan.
Ekipa Kobertura : RCLM