 |
| foto: Google |
Espetativa moris ohin loron nian, ema hotuhotu mai ho fama " buka osan" la iha ema ida mak fò osan saugati de'it ba ema ida, mais ema hotu hotu buka esforsu oinsà atu hakonu nesesidade bazika satan moris iha Dili. Hirak ne'ebe estudante inan aman sei iha kbi'it atu eskola favór ida aprende estuda oinoin atu hakonu idea no referensia para depois too loron ida bele uza. Avó Taur Matan Ruak dehan nune'e " Rai o nia matenek hodi hein o nia tempu" interpretasaun nee nakloke liu, atu dehan katak, agora o nia tempu aprende, estuda, buka, simu idea no referensia oinoin atu loron ida o nia tempu too bele uza ba nesesidade.
Tempu nee la fila ba kotuk maibè sempre ba oin, entaun favor ida respeita nune'e labele too katuas iha tan liafuan arepende. Mausoko ida iha Laga ne'eba nia dehan, ba estudante sira kuandu ba eskola, imi imajináriu hanesan " lori ákua mamuk ba eskola depois ense be oituan oituan lori fila" ida ne'e atu dehan katak. Ba Aprende no dezenvolve sisensia no kadi kakutak tan loron ida kuandu tempu too aplika no bele iha Benefisiu ba an rasik, familia no Nasaun ne'e mak prinsipiu.
Portanto Iha Dili nesesidade aumenta liu tan, la iha ema ida mak sei fó osan ba ita loron loron, la iha ema ida mak fò osan ba ita tanba susar, la iha ema ida mak fo osan ba ita tanba famozu, tanba ne'e mak presisa prosesu no hakas an too loron ida sei simu, ema dehan fo nia tempu ba buat ida, o sei simu buat ida.Realidade ida ne'e hatudu mai ita loloos la'ós atu sai baruk ten no tane liman beibeik, maibé hanorin mai ita oinsà buka esforsu no pasensia ho mehi ne'ebe boot, atu loron ida bele too destinasaun ne'ebe ita hakarak. Ba hirak ne'ebe estudante respeita inan aman nia esforsu karik osan iha labele hakarak buat hotu maibé redús hakarak sira ne'e atu mehi ne'e bele iha signifikadu.
Estudante barak moris susar tebetebes dalaruma la iha osan bemo, selu kost, hahan, fotokopia ba hirak ne'ebe Universidade atividade hotuhotu prezisa osan
Ha'u nia aman bain-bain dehan " rai naroman " osan mós sai ona. Refleta filozofia ne'e realidade tebetebes satan la iha negosiu ka atividade ruma ne'ebe bele hatama osan. Hirak ne'ebe la iha negosiu hanesan estudante buka hakonu dever ita nia, atu hakonu direitu ne'ebe Inan Aman nia responsabiliza ou entaun hametin konfiansa ba sira.
Abracos.
Tags
Opiniaun