| foto;google |
Husi: Vitoria Popular Militante Avo Nana
𝑳𝑼𝑨𝑲, 07 𝑭𝑬𝑽𝑬𝑰𝑹𝑼 2023- 𝑽𝒆𝒕𝒆𝒓𝒂𝒏𝒖 𝑹𝒆𝒛𝒊𝒔𝒕𝒆𝒏𝒔𝒊𝒂 𝑹𝒆𝒈𝒊𝒂𝒏 𝑰𝑰𝑰, 𝑮𝒊𝒍 𝒅𝒂 𝑪𝒐𝒔𝒕𝒂 “𝑶𝒂𝒏 𝑺𝒐𝒓𝒖” 𝒉𝒖𝒔𝒖 𝒃𝒂 𝒗𝒆𝒕𝒆𝒓𝒂𝒏𝒖𝒔 𝒏𝒐 𝒑𝒐𝒗𝒖 𝑻𝒊𝒎𝒐𝒓-𝑳𝒆𝒔𝒕𝒆 𝒂𝒕𝒖 𝒍𝒂𝒃𝒆𝒍𝒆 𝒑𝒆𝒓𝒎𝒊𝒕𝒆 𝒍𝒊𝒅𝒆𝒓 𝒑𝒐𝒍𝒊𝒕𝒊𝒌𝒖 𝑻𝒊𝒎𝒐𝒓-𝑳𝒆𝒔𝒕𝒆 𝒂𝒕𝒖 𝒃𝒐𝒔𝒐𝒌 𝒃𝒆𝒃𝒆𝒊𝒌 𝒑𝒐𝒗𝒖 𝑻𝒊𝒎𝒐𝒓-𝑳𝒆𝒔𝒕𝒆 𝒉𝒐𝒅𝒊 𝒉𝒂𝒍𝒐 𝒅𝒆𝒌𝒍𝒂𝒓𝒂𝒔𝒂𝒖𝒏 𝒑𝒐𝒍𝒊𝒕𝒊𝒌𝒂 𝒃𝒂𝒓𝒂𝒕𝒖 𝒏𝒆’𝒆𝒃𝒆́ 𝒍𝒂𝒍𝒐𝒐𝒔 𝒏𝒐 𝒕𝒆𝒏𝒕𝒂 𝒃𝒆𝒃𝒆𝒊𝒌 𝒂𝒕𝒖 𝒅𝒊𝒔𝒎𝒊𝒔𝒕𝒊𝒌𝒂 𝑲𝒐𝒎𝒂𝒏𝒅𝒂𝒏𝒕𝒆 𝑬𝒎-𝑿𝒆𝒇𝒆-𝒅𝒂𝒔 𝑭𝑨𝑳𝑰𝑵𝑻𝑰𝑳, 𝑲𝒂𝒚 𝑹𝒂𝒍𝒂 𝑿𝒂𝒏𝒂𝒏𝒂 𝑮𝒖𝒔𝒎𝒂̃𝒐.
Veteranu rezistensia tinan 24 ne’e konsidera, pasiénsia no persistente Xanana terus no organiza funu hamutuk ho mate restu 12 Novembru no asuwain FALINTIL hosi Regiaun I, II, III too IV hodi organiza povu luta hamutuk la’ós fasil ba povu no veteranus sira atu trai, no nunka bele haluha situasaun kritiku e terus ne’ebé nia hakat liu too vitória Konsulta Populár 30 Agostu 1999 ne’ebé povu deside.
Gil Oan Soru lamenta, ohin loron lider politikus balun ibun boot tenta dismistifika Xanana hodi haluha tiha situasaun moruk ne’ebé Xanana ho povu no Igreja Katolika halo nu’udar milagre no grasa Na’I Maromak nian iha istória luta.
“Ita sei la konkorda la fó dalan ba ema ida tuur ko’alia abiru atu sinkirkan (dismistika) maun Xanana, la iha Xanana fronteira maritima permanente ita la manan, ita keta halimar, aprtir ohin ho (povu) imi nia votus ita labele vota sala para terus tinan liman, se imi votu loos, ita sei kontente nafatin hadia rai ne’e. Ita hatene hela agora lider ida gaba aan lori partidu nia naran atu bosok povu ne’e, ita koñese hela, ha’u la’o hela iha ne’e, ha’u fair ita sei servisu makas,” dehan Gil Oan Soru durante konsolidasaun partidu CNRT iha Luak, Munisipiu Manufahi, tersa, 07/02/23).
Nia dehan, veteranus sira ne’ebé terus ho Xanana mezmu ohin envolve iha partidu politikus ne’e normal nu’udar prosesu demokrasia ida iha Timor-Leste, maibé importante liu mak veteranus ne’ebé luta ho Xanana labele haluha sira nia terus ho maun Boot Xanana no povu.
Iha parte luk, Eis Sekretariu Estadu Veteranus Kombatantes Libertasaun Nasionál ne’e konsidera governu atuál moris hela ho osan jogu SDSB, Bola Guling, Kuru-Kuru ne’ebé ajuda sustenta governu liu hosi selu taxa.
“Governu agora hanesan kliente joga SDSB, tanba nia fakar osan un dollar ($1), atu hetan fali osan seribu dollar ($1000). Tanba ami sira kaer ukun cakar SDSB atu fera Mauhoka, no agora hasa’e presu sasán,” nia hatete.
Nia dehan, agora tempu atu hadia kontrusaun estadu hodi apoia Premiadu Novel ba Paz, José Ramos-Horta ba prezidente no lori tan Xanana ba lidera governu foin hodi hadia dezenvolvimentu ekonomia TL.