.jpg) |
| Foto: Espesial |
Ahi han uma lisan 2, uma hela fatin 2, baraka 2 no dapur 3, iha aldeia Bemetan suku Betano postu administrativu Same, iha selebrasaun tinan foun sábadu fÃn semana ne'e.
Assosiasaun Roman ba Sosiedade - ARS relata katak, insidente ne'e akontese wahira komunidade balun sunu au, no anin lori ahi-oan hodi haan uma lisan daet to'o uma hela fatin inklui baraka no dapur, akontesementu ne'e rezulta sasán uma lisan 2 ne'e hetan estrágu totál, no uma hela fatin sasán komunidade dalva de'it sasán balun, maibé restante totalmente hetan estrágus.
Komandante operasional Autóridade protesaun sivil Munisipiu Manufahi, inspetúr polÃsia Nivio Celestinho haktuir ba ARS katak, ekipa korpu Bombeiros to'o kedas fatin akontesementu hodi hamate ahi, maibé la konsege salva uma 9 ne'e, tanba ekipa korpu Bombeiros hetan informasun tarde iha tuku 15.00, maibé ekipa Bombeiros mobiliza kareta tanki bee rua hodi hamate ahi nune'e la da'et fali ba komunidade nia uma sira seluk.
Maibé insidente ne'e la rezulta ema kanek no mate.
#ema hotu tenke kuidadu an nafatin, matan moris neon nain#