 |
| foto: Suply |
Info ne'e Povu Maubere foti Pájina Ofisiál BNCTL
Notifikasaun
Klientes BNCTL nebe reside iha Dili ka husi municipius nebe seidauk trata kartaun debitu P24, tamba kestaun tempu seidauk permiti ect, bele kontinua uza kartaun debitu não P24 iha ATM sira iha lokalidades:
1. Unidade Kuluhun-Bobolait
2. W4 Audian
3. ATM Center Timor Plaza-W4 nia oin
4. Unidade Mandarin-parte balkaun
5. Ergin Fuel Metinaro
ATM sira nee sei kontinua simu kartaun debitu não P24 too fim de Janeiro 2023 antes adere mos ba rede P24.
Dá-la ida tan, ho respeitu ami fo hatene katak maoria ATM BNCTL nian iha Dili no municipius no postu administrativos balun adere ona no sei kompletamente adere ba rede P24 iha 30 Nov 2022.
Nunee, ami enkoraga nafatin klientes sira atu trata kartaun debitu P24. Maibe, BNCTL SEI LA IMPOEM limitasaun tempu ba klientes atu trata ka hetan kartaun P24. Ita boot sira livremente aproxima banku nia unidades sira iha territoriu tomak atu bele hetan kartaun debitu P24 konforme tempu nebe konvinienti liu ba ita boot sira.
Ami espera klientes sira nebe hetan ona kartaun P24 bele hahu benefisia no uza vantajem sira hanesan : levantamento osan iha kualker ATM banku sira iha TL(BNCTL, BNU, BRI no Mandiri); transferência entre konta bankaria iha banku 4 ne’e; transferensia osan ba MOSAN ka TPAY no servisus seluk-seluk disponibilizado ba klientes sira.
Inklui uza kartaun P24 atu halo kompras iha loja sira nebe BNCTL no BNU monta ona POS P24 iha Dili no mos municipius sira.
Obrigado wa’in ba atensaun no kooperasaun husi ita boot sira.
Kumprimentus
Jerentis BNCTL