RAI-SUT iha área RAITAHU Suku UMA UA'IN KRAIK, PA Viqueque, munisípiu Viqueque.
Fatin ne'e uluk liu nu'udar kadunan Liurai Bibilutu nia horik fatin, BIBILUTU lakon mak Suku UMA UA'IN moris, Suku Uma UA'IN moris mak Liurai Uma UA'IN tau fali ba naran ida WEKEKE ne'e, ho onra 'KOMANDU MUDA REINU LA MUDA".
Liurai BIBILUTU nu'udar Liurai uluk knana'in, molok naran ida WEKEKE mosu. Molok ema malae mutin sama ain iha Rai inur TIMOR, fatin ne'e nia naran mak hanaran BIBILUTU, tan ukun hosi Liurai BIBILUTU. Tuir aiknanoik katak Liurai ne'e mate Dala hitu mak foin mate Liu, Liurai ne'e rasik mak hateten sai ninia 'segredu' oin-nusa nia bele mate. Tamba bainhira Nia isin maten seidauk kona be iha Rai okos nune'e Nia bele moris fali, maibé bainhira hakoi ninia isin maten to'o kona be nune'e SEI mate liu.
Reinu BIBILUTU nia jerasaun balu mak iha Reinu Caraubalo-Wekeke nian, 'dalaruma' iha mos fatin seluk. Tamba uluk-liu, atu hala'o seremónia lisan ruma sei bolu ema Caraubalo nia Dato sira "MAKUKU WE LET"hodi hamriik iha oin mak bele tota.
Oras ne'e, Kadunan refere Reinu FAHIBEREK ho seluk mak hela metin hahu iha tinan 1983 iha tempu okupasaun Indonésia nian to'o ohin loron.
"KOMANDU MUDA REINU LA MUDA".
Obrigado ba hakere nain...
Irmao Tiago Amaral Sarmento
🤝🏼🤝🏼🤝🏼🇹🇱