 |
| foto: SEFOPE |
Dili loron 3, fulan-Jullu, tinan 2024, Sekretária Estadu ba Formsaun Profisionál no Empregu, SEFOPE, Realiza Serimónia abertura ba koresaun ba Pontus ezame Eskrita lian Inglês ba aplikante 42.622 iha programa Pacific Austrália Labour Mobility.
Iha Serimónia ne'e Sekretáriu Estadu ba Formsaun Profisionál no Empregu, Sua Exelensia Rogério Araújo Mendonça, hamutuk ho Diretór Jerál CAC, Sr. Rosário Salsinha Araújo, Diretora Unidade Legal no Peskiza Sra. Filomena Dias, Reprezentante Inspektur Jeral Estadu Sr. Santiago Ferreira Belo, inlklui Diretór Jerál no Diretór Nasional SEFOPE nian.
Hafoin remata Serimónia Sekretáriu Estadu hateten katak, koreksaun Ida ne'e sei garante transparansia, tanba jovem barak mak lakon ona tempu hodi aprende lian inglês, no lakon sira nia tempu hodi tuir teste ida ne'e.
"Hau atu hateten deit katak , koalia konaba transparansia ita garante, hanesan Timor-oan ka jerasaun foun ida, ita tenke hatudu buat ne'ebé diak ba ita nia maluk Timor-oan sira hotu ne'ebé mak partisipa iha eventu ida ne'e, ita hatene ona katak ita nia jovem barak mak lakon ona sira nia tempu,lakon sira nia finanseiru ba kursu hirak ne'ebé mak durante ne'e sira tuir hela.," dehan Sekretáriu Estadu ba Joralista sira hafoin remata Serimónia abertura.
Sekretáriu Estadu akresenta katak, koresaun ida ne'e sei akompana direta husi parte Comição Anti Corrupção Sigle português ( CAC), Provedoria dos Direitos Humanos e Justiça Sigla ( PDHJ) no Inspektur Jerál Estadu, hodi garante kualidade koresaun, atu nune'e publiku la bele iha indikasaun ruma kona ba koreksaun ida ne'e.
"Ho nune'e hau apela hela ba parte husi CAC, PDHJ, Inspektur Jerál Estadu, atu akompana hela Koreksaun ida ne'e, hodi garante nia transparansia, bainhira ita publika rezultadu la bele iha fali indikasaun ruma konaba, kor, familiarismu, atu nune'e ita bele garante nia kualidade." Tenik Sekretáriu Estadu.
Durante koreksauk sei observa husi CAC, PDHJ, Inspektur Jerál Estadu, PLF no DFAT.
Koreksaun ida ne'e sei halo durante semana ida, no iha kada loron ekipa sei halo koreksaun ba Munisipiu ha'at tuir orariu ne'ebé ekipa estabelese tiha ona.