SOLIDARIEDADE JUVENTUDE LORICO ASWA’IN BA’A “AMU BELO”
Díli, 30 Setembru 2022.-
foto: Google
RELASIONA HO PUBLIKASAUN JORNALISTA OLANDÉS KONA BA’A AKUZASAUN EIS-BISPU DÍLI NO PREMIADO NOBEL DA PAZ, DOM CARLOS FELIPE XIMENES BELO KA “AMU BELO” HALO ABUZU SEKSUÁL, MAKA AMI NE’EBÉ ULUK IHA TEMPU FUNU KOINESIDU HO NARAN JUVENTUDE LORICO ASWA’IN, NE’EBÉ ORAS NE’E NAMKARI IHA ORGANIZASAUN NO PARTIDU POLITIK OI-OIN, HAKARAK HATO’O AMI NIA APÓIU NO SOLIDARIEDADE BA’A “AMU BELO”, HANESAN TUIR MAI NE’E :
1. LAÓS AMI NIA KOMPETÉNSIA ATU HATETE, AKUZASAUN BA’A “AMO BELO” NE’E LOS KA SALA ! TAN NE’E, MAKA AMI ENTREGA NO HAKRU’UK BA SANTA SÉ KA VATIKANU NIA KOMPETÉNSIA !
2. MAIBÉ BELE OINSÁ MOS, AMI HAMRIK NAFATIN IHA “AMU BELO” NIA SORIN, TAMBA AMI KONSIENTE KATAK, HANESAN SER HUMANO “AMU BELO” MOS BELE IHA NIA FRAKEZA KA SALA RUMA HANESAN EMA SIRA SELUK.
3. SEKARIK SALA MOS, “AMU BELO” NIA SALA INDIVIDUÁL NUDAR FRAKEZA UMANA NE’E, LABELE TAKA KA HALAKON FALI “AMU BELO” NIA HAHALOK DIAK BARAK BA’A POVU NO RAI DOBEN TIMOR LESTE, IHA TEMPU NARUK NO DEFÍSIL BA’A KOTUK !
4. HANESAN ULUK, IHA TEMPU FUNU, OHIN MOS LORICO ASWA’IN IHA NAFATIN OBRIGASAUN MORÁL ATU FO’O APÓIU HO SOLIDARIEDADE NO KORAJEN BA’A “AMU BELO” HO NIA FAMÍLIA, SOLIDARIEDADE NO KORAJEN BA’A IGREJA KATÓLIKA HO POVU TIMOR LESTE TOMAK, TAMBA AMI SIRA NE’E ULUK IHA TEMPU FUNU BA’A UKUN RASIK ‘AN NIAN, HETAN TULUN, HETAN DEFEZA NO PROTESAUN, HETAN SOLIDARIEDADE NO KORAJEN HUSI IGREJA KATÓLIKA LIDERADU HUSI BISPU DOM CARLOS XIMENES BELO, WAINHIRA AUTORIDADE INDONÉZIA HO NIA APOIANTE SIRA TOLOK NO INSULTA AMI, DUNI, KAER, BAKU NO HAKANEK KA HAMATE AMI ISIN, AKUZA, NO KASTIGU AMI LEMO-LEMO HO TEMPU NARUK !
5. AMI HUSU BA’A ITA NIA SOSIEDADE NE’EBÉ UZA MÉDIA SIRA HANESAN FACEBOOK KA SELUK TAN, ATU LALIKA PUBLIKA TUTAN “AKUZASAUN ABUZU SEKSUÁL BA’A AMO BELO” NE’EBÉ KE SEI FO’O DEIT BENEFÍSIU BA’A EMA SELUK, NO PELO CONTRÁRIO SEI LORI KONSEKUÉNSIA LADIAK MAI ITA NUDAR EMA KATÓLIKU, NO NUDAR TIMOROAN ! DIAK LIU, ITA ENTREGA NO HAKRU’UK BA’A SANTA SÉ KA VATIKANU NIA KOMPETÉNSIA. TIMOR LESTE ORAS NE’E IHA BUAT DIAK BALU KE MERESE ITA PUBLIKA TUTAN TAMBA LORI BENEFISIU BA’A POVU. NUNE’E MOS, TENKI SERBISU NAFATIN HODI KOMBATE BUAT AT SIRA NE’EBÉ LORI KONSEKUÉNSIA LADIAK BA’A ITA NIA POVU, HANESAN : MORIS SUSAR, MORAS, KORUPSAUN, FAMILIARISMU, DISKRIMINASAUN, INJUSTISA, VIOLÉNSIA, DROGA, KAMPO SERBISU, ESKOLA KA OSPITAL SIRA LAIHA KONDISAUN, MUDANSA KLIMÁTIKA, DEZASTRE NATURÁL SIRA, NO SELUK-SELUK TAN !
6. BA’A MALUK TIMOROAN SIRA, LI-LIU JUVENTUDE LORICO ASWA’IN, NE’EBÉ ORAS NE’E NAMKARI IHA ORGANIZASAUN KA PARTIDU POLÍTIKU OI-OIN SIRA, AMI HUSU ATU ITA HOTU REZA MAKA’AS BA’A “AMU BELO” HO FAMÍLIA SIRA, REZA BA’A IGREJA KATÓLIKA HO EMA TIMOR OAN HOTU NE’EBÉ HASORU PROBLEMA IHA IDA-IDAK NIA MORIS, HODI BELE HAMUTUK NO FORTE NAFATIN HASORU PROBLEMA OI-OIN, INKLUSIVÉ AKUZASAUN BA “AMU BELO” !
OBRIGADU BARAK NO HAKUAK METIN !
VIVA DOM CARLOS FELIPE XIMENES BELO !
Povu Maubere Sita Husi Mídia : 𝐋𝐋
Husi FB Lorico Lian.