Avo Ida Familia Kesi Metin Ho Korente Durante Tinan 10 Iha Letefoho.
imajen no Hanoin ne'e, Povu Maubere Foti Husi Hakerek Nain Noemio Falcao
Kuitadu!
Avo Mae ne'e terus durante tinan sanulu resin familia sira kesi metin ho korrente iha Lete Foho...
Kondisaun fatin ne'e aat tebes. Uma taka ho kalen didin ho hadak luan boot hela, laiha kama ba toba no ita besik ba iis maka'as...
Avo labele haan aihan ne'ebe toos tanba nehan monu hotu ona...
Bainhira ha'u besik ba haree no nota Avo hakarak livre husi korrente boot ne'ebe kesi tan iha Avo nia liman ba ai-rin boot uma nian. Avo ho fatuk ne'ebe besik tenta kee rai haleu ai-rin boot ne'e no hakdasak ba-mai haleu de'it ai-rin ne'e.
Loos duni, Avo moras mental. Maibe la devia Avo ne'e hetan atendimentu hanesan ne'e...
Avo nia oan barak maibe hola feto ho mane hela dook hotu.
Tempu badak de'it ba hau nia viajen no kebetulan hasoru Avo ne'e, no hau la konsege husu tuir Avo ne'e hetan ona subsidu ba ferik-katuas nian ka lae.
Uitoan ka barak Avo nia kontribuisaun no terus durante tempu kolonial no okupasaun nia laran. Agora Avo laiha kbiit ona, maibe saida mak Estadu halo netik hodi liberta Avo husi situasaun difisil ida ne'e iha tinan sira restu husi Avo nia viajen iha mundu ne'e.
Ita iha ONG barak iha Timor mak kada tinan hetan osan husi Estadu no parseiru internasional sira hodi tau matan ba problema ne'e, maibe realidade iha fatin barak inklui kapital Dili ema ho moras mental sei abandonadu.
Ita hein...!